‘RAW NTR’ సంస్థతో మాకు సంబంధం లేదు: ఎన్టీఆర్ ఆఫీస్

నటుడు ఎన్టీఆర్ పేరుతో నిర్వహిస్తున్న ‘RAW NTR’ సంస్థకు తమకు ఎటువంటి సంబంధం లేదని ఆయన కార్యాలయం అధికారికంగా ప్రకటించింది. ఎన్టీఆర్ తరఫున ప్రాతినిధ్యం వహించే హక్కు ఆ సంస్థకు లేదని, ఆయనకు సంబంధించిన సేవా లేదా ప్రజా సంక్షేమ కార్యక్రమాలను కేవలం తమ అధికారిక బృందం ద్వారానే తెలియజేస్తామని స్పష్టం చేసింది.

అనధికారిక వ్యక్తులు, సంస్థల ప్రచారాలను నమ్మవద్దని, ఏదైనా సమాచారం కోసం కేవలం అధికారిక వేదికలను మాత్రమే అనుసరించాలని ఎన్టీఆర్ కార్యాలయం అభిమానులకు విజ్ఞప్తి చేసింది.

ప్రస్తుతం ఎన్టీఆర్ ప్రశాంత్ నీల్ దర్శకత్వంలో ‘డ్రాగన్’ చిత్రంలో నటిస్తున్నారు. ఈ సినిమా 2027 జూన్ 11న విడుదల కానుంది. దీని తర్వాత త్రివిక్రమ్ శ్రీనివాస్ దర్శకత్వంలో మరో భారీ ప్రాజెక్టులో నటించనున్నారు.