రాధాగాయత్రి మృతి కేసు: మెజిస్టీరియల్ దర్యాప్తు షురూ

విశాఖపట్నం: విశాఖకు చెందిన సాఫ్ట్‌వేర్ ఇంజనీర్ రాధాగాయత్రి అనుమానాస్పద మృతి కేసులో దర్యాప్తు వేగవంతమైంది. ఈ ఘటనపై సమగ్ర విచారణ జరపాలంటూ బాధిత తల్లిదండ్రులు సుధాకర్, సత్యవతి దెహ్రాదూన్ అధికారులను ఆశ్రయించారు. వీరి అభ్యర్థన మేరకు, జిల్లా కలెక్టర్ మెజిస్టీరియల్ దర్యాప్తునకు ఆదేశించారు.

దీనిలో భాగంగా, మసూరీ డివిజనల్ మెజిస్ట్రేట్ రాహుల్ ఆనంద్ విచారణను ప్రారంభించారు. గత నెల 14 నుండి 16 మధ్య జరిగిన పరిణామాలపై ఆయన ఆరా తీయనున్నారు. ముఖ్యంగా, తల్లిదండ్రుల సమక్షం లేకుండానే పోస్టుమార్టం నిర్వహించిన సిబ్బందిపై అధికారులు ప్రశ్నలు సంధించే అవకాశం ఉంది. ఈ విచారణతో రాధాగాయత్రి మృతికి గల అసలు కారణాలు వెలుగులోకి వస్తాయని కుటుంబ సభ్యులు ఆశిస్తున్నారు.