పిడుగురాళ్ల మెడికల్ కాలేజీకి ఎన్ఎంసి గుర్తింపు: 100 ఎంబీబీఎస్ సీట్లు మంజూరు

పల్నాడు జిల్లా పిడుగురాళ్ల మండలం బ్రాహ్మణపల్లిలోని ప్రభుత్వ వైద్య కళాశాలకు నేషనల్ మెడికల్ కమిషన్ (NMC) అధికారిక అనుమతి లభించింది. 2026-27 విద్యా సంవత్సరం నుండి 100 ఎంబీబీఎస్ సీట్లతో ఈ కళాశాల కార్యకలాపాలు ప్రారంభం కానున్నాయని రాష్ట్ర వైద్య ఆరోగ్యశాఖ మంత్రి సత్య కుమార్ యాదవ్ ప్రకటించారు.

కళాశాల నిర్మాణ పనులు తుది దశకు చేరుకున్నాయి. బోధనా సిబ్బందితో పాటు వైద్యులు, నర్సులు, పారామెడికల్ సిబ్బంది నియామక ప్రక్రియను ప్రభుత్వం పూర్తి చేస్తోంది. ఈ నూతన మెడికల్ కాలేజీ అందుబాటులోకి రావడం వల్ల పల్నాడు ప్రాంత విద్యార్థులకు, రోగులకు మెరుగైన వైద్య విద్య మరియు వైద్య సేవలు అందుబాటులోకి రానున్నాయి.