చిన్నారులపై వేధింపుల ప్రకటనలు: మెటాకు కేంద్రం తీవ్ర హెచ్చరిక

ఇన్‌స్టాగ్రామ్‌లో చిన్నారులపై లైంగిక వేధింపులను (CSAM) ప్రోత్సహించేలా ఉన్న ప్రకటనలపై కేంద్ర ప్రభుత్వం తీవ్ర ఆగ్రహం వ్యక్తం చేసింది. ఇలాంటి అభ్యంతరకర కంటెంట్‌ను వెంటనే తొలగించాలని మెటా (Meta) సంస్థకు స్పష్టమైన ఆదేశాలు జారీ చేసింది.

ఈ వ్యవహారంపై 7 రోజుల్లోగా వివరణ ఇవ్వాలని, ఇప్పటివరకు తీసుకున్న దిద్దుబాటు చర్యలను తెలియజేయాలని కేంద్రం ఆదేశించింది. వివరణ ఇవ్వడంలో విఫలమైతే కఠినమైన చట్టపరమైన చర్యలు తప్పవని హెచ్చరించింది. థర్డ్-పార్టీ కంటెంట్ అయినప్పటికీ, ప్రకటనల ద్వారా ఆదాయం పొందుతున్నందున దీనికి మెటా బాధ్యత వహించాల్సి ఉంటుందని ప్రభుత్వం పేర్కొంది.