రూ. 5,000 మోదీ నగదు బహుమతి వార్త ఫేక్: PIB స్పష్టత

స్వాతంత్ర్య దినోత్సవం సందర్భంగా కేంద్ర ప్రభుత్వం ప్రజలకు రూ. 5,000 నగదు బహుమతిని అందిస్తోందంటూ సోషల్ మీడియాలో వైరల్ అవుతున్న వార్తలను ప్రెస్ ఇన్ఫర్మేషన్ బ్యూరో (PIB Fact Check) తీవ్రంగా ఖండించింది. ఇటువంటి పథకం ఏదీ అమలులో లేదని, ఈ ప్రచారం పూర్తిగా అసత్యమని కేంద్రం స్పష్టం చేసింది.

సైబర్ నేరగాళ్ల పన్నాగం నగదు జమ కోసం బ్యాంకు వివరాలు నమోదు చేయాలంటూ నకిలీ లింకులను సైబర్ మోసగాళ్లు వ్యాప్తి చేస్తున్నారు. వినియోగదారుల వ్యక్తిగత సమాచారం, బ్యాంకు ఖాతా వివరాలు, పాస్‌వర్డ్‌లు తస్కరించి మోసాలకు పాల్పడటమే వీరి ప్రధాన ఉద్దేశమని పీఐబీ హెచ్చరించింది.

ముఖ్య సూచనలు:

• గుర్తుతెలియని లేదా అనుమానాస్పద లింకులను ఎట్టి పరిస్థితుల్లోనూ క్లిక్ చేయవద్దు.

• బ్యాంకు ఖాతా వివరాలు, పిన్, ఓటీపీ (OTP) వంటి సున్నితమైన సమాచారాన్ని ఎవరితోనూ పంచుకోవద్దు.

• ప్రభుత్వ పథకాలకు సంబంధించిన వివరాలను కేవలం అధికారిక వెబ్‌సైట్ల ద్వారానే ధ్రువీకరించుకోవాలి.

• అనుమానాస్పద సమాచారం కనిపిస్తే వెంటనే PIB Fact Check విభాగానికి నివేదించండి.